＜求學不是求分數，只係睇下你求幾多分＞

每個星期六如果我要返工，就係爹地最忙嘅日子，雖然仔仔唔使返學，但早上要上keyboard班，下午要上國語班，車上車落真係好攰。
仔仔响英國學國語已經係第二年啦，仲記得第一年學時，我完全冇幫佢，結果2次測驗考試分別係得廿幾分同四十幾分，當時我冇怪佢，因為响英國我又唔會同佢講國語，其他時間都冇機會用，所以唔識好正常，之後我哋每個星期同佢溫下，有時10分鐘，有時多少少，（因為要返工好多時放工都攰到冇心機教），結果年尾考試都有七十幾分，仲攞埋進步獎，真係好開心。
早2日同仔仔講開返多一個星期就考試啦，佢話好緊張，其實英國係冇測驗考試，所以我明白佢有幾驚，我話你盡力考就得啦，唔使緊張，結果佢同我講係咪好似舊年咁四十幾分都可以，我即刻忍唔住講，舊年冇溫就四十幾，今年有溫就唔好啦啩，佢即刻話六十幾分都可以啦，我就話幾多分唔緊要，你盡力就好啦，佢即刻話咁ok啦。
求學不是求分數，自己做媽咪就知呢個心理關口好難過，但最重要係，你到底想求幾多分，唔知今年會佢考成點呢？
#英國 #blog #部落格 #香港 #生活 #uk #hongkong #香港人 #英國移民 #香港移民 #uklifestyle #lifestyle #blogger #師奶 #媽咪 #師9 #求學不是求分數 #國語 #學習 #讀書 #測驗 #考試