雖然只係3日嘅旅程，但由於自己膽粗粗同仔仔2個人去（平時爹地揸車去邊都冇所謂），結果由安排到訂飛都攪左幾個禮拜。其實英國2月都仍然好凍（平均都係0-5度左右），所以好多主題公園雖然half term但都唔開門，要搵開門而有公共交通工具去到嘅就更加考起，最後終於搵左Gulliver’s Land。
Gulliver’s Land有3個主題樂園，分別響Warrington, Milton Keynes及Matlock Bath，最近應該去Warrington，但佢唔開，唯有去Milton Keynes。
https://www.gulliversfun.co.uk/
交通方面，可以坐火車或旅遊巴，但火車去太貴，2個人來回要百幾鎊，唔捨得，所以選擇旅遊巴，響Leeds可以選Mega Bus，超平，£6已經係2個人來回票價，但零晨一時上車，去到零晨四點，時間絶對唔啱我，National Express就好多時間選擇，我就選左9點半上車，12點半到達Milton Keynes Coachway，2個人車票來回係£35，連埋的士去酒店，都唔使£45，幫荷包摼返唔少錢，行車期間會於中途站換司機，但乘客就唔使落車，巴士車尾有洗手間，唔使擔心人有三急，旅程不設劃位，所以早上車可以早啲揀位。
火車： http://ojp.nationalrail.co.uk/service/planjourney/search
Mega Bus: https://uk.megabus.com
National Express: https://book.nationalexpress.com/coach/#/choose-journey
酒店方面，我就揀左Premiers Inn Willen Lake，主要貪佢去樂園步行只需6分鐘，超方便。而酒店附近有好多其他適合小朋友玩嘅地方，相信夏天會超級熱鬧。酒店望正Willen Lake，景色超靚，行出露台日頭仲可以睇埋日出，酒店只係3星，基本設備如毛巾，沐浴用品，風筒，水煲等都有，但就冇雪櫃同牙刷牙膏，酒店有2部售賣機，可買到汽水飲料，零食，牙膏牙刷等。
酒店露台景色：https://youtu.be/N9k2G1700lk
Premier Inn: https://www.premierinn.com/gb/en/hotels/england/buckinghamshire/milton-keynes/milton-keynes-east-willen-lake.html
食方面，第一日午餐我哋就響酒店前少少嘅A Pizza This食炭烤pizza，雖然湖邊好大風好凍，但pizza新鮮即叫即整，唔使10分鐘就比我2母子KO左。晚餐就響樓下Fayre & Square食，£10有2個Main course，超抵，餐廳內仲有個細嘅soft play area，未有嘢食小朋友都有地方玩下。
A Pizza This: https://www.facebook.com/APizzaThis/
Fayre & Square : http://www.fayre-square.com/pub/lakeside-milton-keynes/m5946/new-menu/
節目：第一日就坐mini火車，£2/人，10分鐘車程，經歷落雪，落雨兼太陽，真係”天氣不似預期“，之後響Willen Lake Play Area玩。原本book左去Guillver’s Splash Zone玩，但佢臨時打嚟話唔開，仔仔超失望。
Guillver’s Splash Zone: https://www.gulliversfun.co.uk/more-venues/splashzone
其實Willen Lake仲有好多玩樂設施，有興趣可以去呢個網頁睇睇： http://www.willenlake.org.uk/leisure-activities/high-ropes#.Wol-Nsqnyf0
嚟緊會再更新第二日嘅旅程，記得追蹤住我啦，多謝支持。
#英國 #香港人 #香港 #英國旅行 #英國旅遊 #兩母子去旅行 #wingsblog #uk #miltonkeynes #willenlake #guillversland #apizzathis #nationalrail #megabus #nationalexpress #premierinn #willenlakeplayarea #fayresquare #splashzone #minitrain #charcoalpizza
No comments:
Post a Comment